၂၀၂၆ ကမ္ဘာ့ဖလား ပြိုင်ပွဲ ကျင်းပဖို့ ကတော့ ၄၅ ရက်သာ ကျန်ရှိတော့ပြီး ဒီပြိုင်ပွဲမှာ လူငယ် ကြယ်ပွင့် ကစားသမားသစ် များစွာ ထွက်ပေါ်လာဖို့ ရှိနေပါတယ်။ ဒါကြောင့် အခုတစ်ခါမှာတော့ အသက် ၂၁ နှစ်အောက် အကောင်းဆုံး လူငယ် ကစားသမားဆုကို ရရှိဖို့ ရေပန်းအစားဆုံး ဖြစ်နေတဲ့ လူငယ် ကြယ်ပွင့် ၅ ဦးက ဘယ်သူတွေလဲ ဆိုတာ ဖော်ပြပေးလိုက်ရပါတယ်။
၅။ အက်စတီဗာအို (ဘရာဇီးလ်)
ချဲလ်ဆီး အသင်းရဲ့ တောင်ပံ ကစားသမား အက်စတီဗာအိုဟာ ဘရာဇီးလ် လက်ရွေးစင် အသင်း အတွက် ၁၁ ပွဲကစား၊ ၅ ဂိုး သွင်းယူထားပြီး နိုင်ငံတကာ အဆင့်မှာ ခြေစွမ်းပြနေသူပါ။ လက်ရှိမှာ ပေါင်ခြံဒဏ်ရာကြောင့် နားနေရပေမယ့် ပြိုင်ပွဲ မတိုင်ခင် ကြံ့ခိုင်မှု ပြည့်ဝလာရင် နည်းပြ အန်ဆယ်လော့တီရဲ့ ဘရာဇီးလ် အသင်းမှာ အရေးပါတဲ့ ကစားသမား ဖြစ်လာမှာပါ။ သူ့ရဲ့ ထူးခြားတဲ့ အရှိန်အဟုန်နဲ့ ကျွမ်းကျင်မှုတွေက ကမ္ဘာ့ဖလားမှာ ပရိသတ်တွေကို ဆွဲဆောင်နိုင်ပါလိမ့်မယ်။
၄။ ပါအူ ကူဘာဆီ (စပိန်)
၁၉၈၂ ခုနှစ် နောက်ပိုင်း ခံစစ် ကစားသမား တစ်ယောက်မှ လူငယ် အကောင်းဆုံး ကစားသမားဆု မရရှိခဲ့ဖူးပေမယ့် ဘာစီလိုနာရဲ့ လူငယ် ကြယ်ပွင့် ကူဘာဆီက ဒီမှတ်တမ်းကို ချိုးဖျက်နိုင်ပါတယ်။ အသက် ၁၉ နှစ်သာ ရှိသေးပေမယ့် တည်ငြိမ်မှု၊ ခံစစ်ပိုင်း အမြင်နဲ့ ဘောလုံးပေးပို့မှု တိကျမှုတွေကြောင့် စပိန် အသင်းရဲ့ အဓိက ခံစစ်မှူး ဖြစ်လာဖို့ ရှိနေပါတယ်။ သူဟာ လူငယ် ကစားသမား ဟောက်ဆန်နဲ့ အတူ စပိန် ခံစစ်ကို အကောင်းဆုံး ဦးဆောင်နိုင်သူ ဖြစ်ပါတယ်။
၃။ ယာအို နီးဗက်စ် (ပေါ်တူဂီ)
ပီအက်စ်ဂျီ အသင်းရဲ့ ကွင်းလယ်လူ ယာအို နီးဗတ်စ်ဟာ ပေါ်တူဂီ အသင်း အတွက် ၂၃ ပွဲ အထိ ကစားပေးထားပြီး ဖြစ်တဲ့ အရေးပါတဲ့ ကစားသမား တစ်ဦးပါ။ သူဟာ ကွင်းလယ်မှာ မောပန်းခြင်း မရှိဘဲ ကြိုးစား ကစားတတ်သူ ဖြစ်သလို ဘက်စုံတော်တဲ့ ကစားသမားလည်း ဖြစ်ပါတယ်။ ဘရူနို ဖာနန်ဒက်စ်၊ ဗစ်တင်ညာ တို့နဲ့ အတူ ပေါ်တူဂီရဲ့ အင်အားကြီး ကွင်းလယ်ပိုင်းကို ပိုမို တောင့်တင်းစေမယ့် နောက်ကွယ်က သူရဲကောင်း တစ်ဦးလည်း ဖြစ်ပါတယ်။
၂။ ဒီဆီရီ ဒူယေး (ပြင်သစ်)
ပြီးခဲ့တဲ့ရာသီ ချန်ပီယံလိဂ် ဗိုလ်လုပွဲမှာ အင်တာမီလန်ကို ၅-၀ နဲ့ နိုင်တဲ့ ပွဲမှာ ၂ ဂိုးသွင်းပြီး ကမ္ဘာကို အသိပေးခဲ့သူပါ။ အသက် ၂၀ အရွယ် ဒူယေးဟာ တိုက်စစ်ပိုင်းမှာ နေရာစုံ ကစားနိုင်ပြီး ဂိုးသွင်းစွမ်းရည် ထက်မြက်သူပါ။ အမ်ဘာပေး၊ အိုလီဆေး တို့လို ကစားသမားတွေ ကြားမှာ သူ့ရဲ့ အရည်အချင်းကို ထုတ်ပြနိုင်စွမ်း ရှိပြီး ပြင်သစ် တိုက်စစ် အတွက် အားကိုးရမယ့်သူ ဖြစ်ပါတယ်။
၁။ လာမင်း ယာမယ် (စပိန်)
ယူရို ၂၀၂၄ မှာ လူငယ် အကောင်းဆုံးဆု ရရှိခဲ့တဲ့ ယာမယ်ဟာ ဒီကမ္ဘာ့ဖလားရဲ့ လူငယ်အကောင်းဆုံးဆုတင်မကဘဲ ပြိုင်ပွဲ တစ်ခုလုံးရဲ့ အကောင်းဆုံး ကစားသမားဆု ကိုပါ ရရှိဖို့ အလားအလာ အရှိဆုံး ဖြစ်ပါတယ်။ လက်ရှိမှာ ဒဏ်ရာကြောင့် အနားယူနေရပေမယ့် ကမ္ဘာ့ဖလား မှာတော့ သူဟာ စပိန် လက်ရွေးစင် အသင်းရဲ့ အဓိက နှလုံးသည်းပွတ် ဖြစ်လာပါလိမ့်မယ်။ ယာမယ်ဟာ ဘောလုံးလောကရဲ့ မျိုးဆက်သစ် ပါရမီရှင် အဖြစ် သတ်မှတ်ခံထားရပြီး ဒီပြိုင်ပွဲကို သူ့ အနေနဲ့ စိုးမိုးနိုင်မလား ဆိုတာ စိတ်ဝင်စားဖို့ ကောင်းနေပါတယ်။
အကျဉ်းချုပ်အားဖြင့် ဆိုရရင်တော့ ဒီလူငယ် ကစားသမားတွေဟာ သူတို့ရဲ့ ကလပ် အသင်းတွေ မှာတင် မကဘဲ နိုင်ငံတကာ အဆင့်မှာပါ ခြေစွမ်းပြနေကြသူတွေ ဖြစ်လို့ ၂၀၂၆ ကမ္ဘာ့ဖလားမှာ သူတို့ရဲ့ စွမ်းဆောင်ရည်တွေကို ကျိန်းသေပေါက် စောင့်ကြည့်ရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
