အိုင်ဗရီကိုစ့် လူငယ်ကြယ်ပွင့် ယန် ဒီယိုမန်ဒီ ကတော့ ဒီနွေရာသီမှာ လာလီဂါ ထိပ်သီး ရီးရဲလ်မက်ဒရစ်ဆီ ပြောင်းရွှေ့ဖို့ နီးစပ်နေပြီလို့ သတင်းတွေ ထွက်ပေါ်နေသူပါ။ ဒါပေမယ့် ဘွန်ဒက်စ်လီဂါ ကလပ် လိုက်ပ်ဇစ် ဘက်ကတော့ အဆိုပါ သတင်းတွေကို ပြင်းပြင်းထန်ထန် ငြင်းဆန် ပယ်ချလိုက်ပါတယ်။
လိုက်ပ်ဇစ် အသင်းရဲ့ အားကစားဒါရိုက်တာ မာဆယ် ရှေးဖားက ဒီအပြောင်းအရွှေ့ ကာလ အတွင်း ဒီယိုမန်ဒီရဲ့ အနာဂတ်နဲ့ ပတ်သက်ပြီး သတင်းမီဒီယာတွေရဲ့ ရေးသား ဖော်ပြချက်တွေကို ပြင်းပြင်းထန်ထန် ဝေဖန် ပြစ်တင်လိုက်တာလည်း ဖြစ်ပါတယ်။
အသက် ၁၉ နှစ်အရွယ် တောင်ပံ ကစားသမား ဒီယိုမန်ဒီဟာ ဒီနွေရာသီမှာ လိုက်ပ်ဇစ် ကနေ ထွက်ခွာဖို့ သတင်းကြီးနေသူ ဖြစ်ပြီး ပီအက်စ်ဂျီ၊ လစ်ဗာပူးလ်နဲ့ ရီးရဲလ်မက်ဒရစ် အပါအဝင် ထိပ်သီး အသင်းကြီး အများအပြားက ခေါ်ယူဖို့ အပြိုင်အဆိုင် ကြိုးပမ်းနေကြတာ ဖြစ်ပါတယ်။ ပီအက်စ်ဂျီ အသင်း ကတော့ စိတ်ဝင်စားမှုကို ရုပ်သိမ်းလိုက်ပြီလို့ ယူဆရပေမယ့် ရီးရဲလ်မက်ဒရစ် ကတော့ ယူရို သန်း ၁၀၀ နီးပါး ကမ်းလှမ်းချက် ပယ်ချခံခဲ့ရသည့်တိုင်အောင် အိုင်ဗရီကိုစ့် လက်ရွေးစင်လေးကို ခေါ်ယူဖို့ နီးစပ်နေပြီလို့ သတင်းတွေ ထွက်ပေါ်နေခဲ့တာပါ။
ဒီယိုမန်ဒီဟာ မကြာသေးမီက ယှဉ်ပြိုင်ခဲ့တဲ့ လိုက်ပ်ဇစ်ရဲ့ ရာသီကြို ခြေစမ်းပွဲမှာ ဖျားနာနေတာကြောင့် လွဲချော်ခဲ့ရကြောင်း နည်းပြ မာတင် ဒီမီချဲလစ်က အတည်ပြုခဲ့ပါတယ်။ ဒါပေမယ့် ရှေးဖား ကတော့ သတင်းထောက်တွေရဲ့ ရေးသားချက်တွေဟာ အမှန်တရားနဲ့ အဝေးကြီး လွဲမှားနေတယ်လို့ ပြောကြားခဲ့ပါတယ်။
“လွန်ခဲ့တဲ့ ရက်ပိုင်းက တချို့သော သတင်းဆရာဆိုသူတွေက ဒီအပြောင်းအရွှေ့ ပြီးမြောက်သွားပြီ ဆိုပြီး ‘Here we go’ တောင် ပေးခဲ့ကြတာ တွေ့ရပါတယ်။ ဒါပေမယ့် အဖြစ်မှန်က အဲဒီလို မဟုတ်ပါဘူး။ ကျွန်တော်တို့ အဲဒီအဆင့်ကို လုံးဝ မရောက်သေးပါဘူး” လို့ ရှေးဖားက Sky Germany ကို ပြောကြားခဲ့ပါတယ်။
ဒီယိုမန်ဒီဟာ လိုက်ပ်ဇစ်နဲ့ စာချုပ်သက်တမ်း ၄ နှစ် ကျန်ရှိနေသေးပေမယ့် ပြီးခဲ့တဲ့ ၂၀၂၅-၂၆ ရာသီမှာ ပြသခဲ့တဲ့ တောက်ပတဲ့ ခြေစွမ်းကြောင့် ဥရောပ အသင်းကြီးတွေရဲ့ အာရုံစိုက်မှုကို ရရှိခဲ့တာပါ။ သူဟာ ပြီးခဲ့တဲ့ ရာသီက လိုက်ပ်ဇစ် အတွက် ပြိုင်ပွဲစုံ ၃၆ ပွဲ ပါဝင် ကစားခဲ့ရာမှာ ဂိုးပါဝင် ပတ်သက်မှု ၂၂ ဂိုး (၁၃ ဂိုးသွင်း၊ ၉ ဂိုး ဖန်တီး) အထိ စွမ်းဆောင်ပေးခဲ့ပါတယ်။ ထူးခြားတာ ကတော့ ဒီယိုမန်ဒီက အသင်းကို ဘွန်ဒက်စ်လီဂါ အဆင့် (၃) နေရာမှာ ရပ်တည်နိုင်အောင် ကူညီပေးခဲ့တာ ဖြစ်ပါတယ်။ ဒါ့အပြင် ဘွန်ဒက်စ်လီဂါမှာ လိမ်ခေါက် ကျော်ဖြတ်မှု အများဆုံး (၁၁၈ ကြိမ်) နဲ့ ဘောလုံး ဆွဲပြေး ကျော်ဖြတ်မှု အများဆုံး (၁၀၄ ကြိမ်) စံချိန်တွေ ကိုလည်း စိုက်ထူနိုင်ခဲ့သူ ဖြစ်ပါတယ်။
မကြာသေးမီက ဒီယိုမန်ဒီဟာ အေးဂျင့် အပြောင်းအလဲ လုပ်ခဲ့ပြီး ဗင်နီးစီးယပ်စ် ဂျူနီယာရဲ့ အေးဂျင့် အဖွဲ့အစည်း ဖြစ်တဲ့ Roc Nation နဲ့ လက်တွဲခဲ့ပေမယ့် ရှေးဖား ကတော့ အေးဂျင့် အပြောင်းအလဲကြောင့် ဆွေးနွေးပွဲတွေ ပျက်ပြားသွားလိမ့်မယ်လို့ မမျှော်လင့်ထားပါဘူး။
“ကျွန်တော့် အမြင် ပြောရရင် လုံးဝ မဟုတ်ပါဘူး။ အဲဒီလို ဖြစ်လာစရာ အကြောင်း မရှိပါဘူး။ အေးဂျင့် အပြောင်းအလဲ ရှိခဲ့တာတော့ အမှန်ပါပဲ။ အခုချိန်မှာ ကျွန်တော် တို့ရဲ့ ဆက်သွယ်ဖို့ အဓိက အေးဂျင့်က Roc Nation ဖြစ်ပါတယ်။ ဒါဟာ ဒီယိုမန်ဒီ ကိုယ်တိုင် ကျွန်တော် တို့ကို ပွင့်ပွင့်လင်းလင်း ပြောထားပြီးသားပါ။ တကယ်လို့ အပြောင်းအရွှေ့ တစ်ခု ဖြစ်လာခဲ့ရင်တောင် ဒီလို အေးဂျင့် ပြောင်းလိုက်လို့ အပြောင်းအရွှေ့ ပျက်စီးသွားမယ်လို့ ကျွန်တော် မထင်ပါဘူး” လို့ ရှေးဖားက ထပ်လောင်း ပြောကြားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
